జంబూకేశ్వరలింగము
నంబుజమణిపూరమందు నస్తత్వముతో
నంబకము లోనఁదెరచియు
నంబాపతి! చూపుమయ్య అద్భుతము శివా! ॥29 ॥
అరుణాచలమాగ్నేయము
సరితూగగ దానికగును స్వాధిష్ఠానాం
బురుహము, వహ్ని తనువుగ
కరుణను నద్దాన నిలుపు కామేశ! శివా! ॥ 30 ॥
శ్రీకాళహస్తి యందుఁబి
నాకధరా! మారుతంబనాహతసంజ్ఞన్
నీకోసమమరియున్నది
నీ కాంతనుఁ గూడి యచట నిండారు శివా! ॥31॥
ముదమున నిన్నే తలఁచెద
చిదంబరేశ! గగనసర సిజమధ్యమునన్
పదముంచి నన్నుఁ గావగ
యెదఁజేరగ రాగదయ్య యేమరక! శివా! ॥ 32 ।